◎ 作者簡介

作者簡歷

劉明猷

1954年生於臺灣苗栗，東海大學畢

2009年公職退休

曾任客委會客語薪傳師、教育部樂齡教師

嘗試以客語書寫或記錄

現遁世樂活 於客庄 平澹居

【作品】

客家妹仔个心腹聲︱2014（梁純綉著，劉明猷錄音）

一杯淡茶 庄頭話︱2015

對面山下 雙堂屋︱2017

層層疊疊 三層山︱2018

鴨四妹个 字簿仔︱2019

五福臨門 門生祥︱2021

六喜納戶 戶啟瑞︱2022

七巧如意 意順心︱2023

封面畫家簡歷

黃素珍

國立聯合大學畢

現職：苗栗縣後龍國小代理教師

業餘指導孩童美勞畫畫，二寶媽，從小對藝術充滿興趣，所以一有機會就會把握時機與他人學習，也幸有長官、同事的不吝指導，讓我能圓夢。

【獲獎】

參加110年客家與桐詩桐畫教學繪本獲教師組優等

指導學生106年高年級反毒漫畫比賽獲第一名

指導學生100年關懷愛滋、拒菸反毒海報製作獲第一名

指導學生94、95年燈籠製作獲特優

封面色鉛筆畫 黃素珍〈七巧如意 意順心〉

◎ 內容簡介

視

一本書為

珪寶璞玉

七巧 天賜 安賜

如意 納我 予我

《七巧如意 意順心：客話文集》為劉明猷的第七本客語創作文集，在這本文集作者以家族故事呈現的主題即為「礱間」場景與人物，礱間（客語海陸腔音lung gienˋ，四縣腔音lungˇ gienˊ）是碾米場。由本書作者劉明猷口述民國五十年代苗栗縣公館鄉台六線義和精米所點點滴滴，劉遠大描繪了屬於父子倆共同的記憶，完成了呈現舊式設備及店鋪場景的〈義和精米所空間剖面透視示意圖〉。

此外，作者在書名上相當具有巧思，一杯淡茶、雙堂屋、三層山、鴨四妹、五福臨門、六喜納戶、七巧如意。

◎ 內文試閱

★本書文案使用眾多客語字，礙於讀者電腦可能沒有安裝專用字體，故節錄文章部分客語字特轉為相近用字，方便讀者閱讀，萬請見諒。

節錄自〈義和精米所〉

　　還係純農業種作个大環境，在細庄頭，開有一間精米所，做該小小生理好分農家人方便，買賣米糧、糴米糶穀、兼賣粗糠幼糠……這兜。店仔細間罔細間，該愛施設个做生理傢拉伙一抹煞齊全，像礱穀機、精米機、磅穀包个大磅、棧板、礱糠間、記數粉牌；人員安排方面有經理、記帳員、頭家、承勞這兜。店面就開在大路脣，好利便人客來來往往頓腳交官，這既經係六十大零年前个市容街景哩。

　　安居樂業、大農業社會个認分耕種，瓦屋圳溝苦苓樹，耕田耕埔合畜豬，係家家戶戶个主業兼副業。一年兩季个水田收成，盡望就望該好年冬、風調雨順，先扣忒歸屋下人个伙食外，伸个就去農會、精米所糶穀換錢，好拿來做日常所費用，像買魚買肉兼製著，其他方面實在就無哪來錢。這央時，農家婦女个扡爪本質，實在值得欽服，像畜大豬、種菜賣、畜雞畜鴨……這兜，一心一意都係為了添增屋下个收入，成時欸還會偷㘝一息息私胲錢，以防萬一手頭愛用著錢个時節，正毋會手扡扡仔，賒借無來路。

學登簿記數个大姐

　　「細妹人書毋使讀恁高，早慢愛嫁愛兜人家个飯碗，不足以栽培、投資，繳忒越多、了忒越多」，在當時代普遍存在等个社會價值觀，就係重男性輕女性。在該央時，也無所謂「性別平等教育」，因爭環境所逼，也就留在屋下𢯭手學記數。反正，做該小買賣記帳乜愛人𢯭，拖來扯去，留在店頭事務桌个妹仔係自家人，錢銀嘛較好控制治理，食宿本本又凴屋下，生理場个人手乜算幫𢯭得著，這步棋做得講係一石兩鳥。前前後後一做，怕做有十年恁久，到欸適當婚嫁个時節，年齡堵好、又有媒人來探親，差毋多也愛開始學擎針、學做裁縫，學到會來乜愛一年半載个功夫。然後就愛談起合庚日、過定、聘金、嫁粧、看日仔這兜齣事哩。大姊佢係第一任記帳員乜係唯一个記帳員。

店頭家

　　阿爸个名姓，寫在精米所个營業執照裡肚，係擔任著經理个職務，最起碼該張紙項係恁樣寫个。其實，來來往往个交官人（客戶），正不在乎麼个董事長、經理、副理這兜銜頭，一抹煞喊到「頭家」就著欸。耕田阿哥、煮飯个叔姆伯姆，入店糴米糶穀，毋係灶下个米房會見底欸，就係手頭項愛急用著現金欸，米糧白飯个供三餐溫飽摎一屋下人个製著、註冊、人情所費、添魚加肉……這兜，通棚都愛用著現金，行一轉精米所去移撥賒借，心頭个掛吊事也就做得解決哩。

　　「半份婿郎半份子」个話語，在台灣這隻細島內个土地項，流傳有當久當久哩。愛仰般去看待這句話个實質義涵，又愛仰般去體會著，學做人丈人老摎學做人婿郎，這兩儕當事人个立場，立場係相對頭个、係溫馨？係尷尬？由人講說，隨你去解釋，枝節交錯又鬞頭絞髻，毋輸大家所知个心臼摎家娘个婆媳之間，恁複雜哦！

〈自序：書寫這項頭路〉

　　筆鋒有略改變，這本又轉到散文體个呈現。係在翻箱倒櫃，查看電腦舊資料、老檔案个時節，突然間，看著該篇名喊到〈一隻紙船彎斡河〉个過往紀錄，毋曾發表過个文章，就一直擺放在該；另有一篇〈義和精米所〉，這兩篇个主角都係描述等筆者爸爸个故事。吾倈仔影著後，對佢个阿公个一生、成長背景、當時个農業大環境、受日本教育……這兜，試著異新色、異有可聽（看）性。何不，加強蒐集整理後，來完成單獨一篇或兩篇，再加其他幾篇日常記事，就做得成集成冊編輯出版哩，倈仔講：「值得期待。」

　　越勢自家个親人，越勢毋好寫。雖然係近距離个觀察，共柵門出入、共飯甑食飯，係堵著愛論事寫情个該央時，下筆个重輕、立場个客觀，都還係無恁該抓捉个。多一分忒重、少一分又忒輕，斟酌推敲這中間，實在就愛花忒不少个功夫，值得去集氣發力。

◎ 目次

《七巧如意 意順心：客話文集》

序言

【自序】書寫這項頭路

七巧如意 意順心 客話文集

七巧如意  意順心

紙船一隻  彎斡河

義和精米所

客家．𠊎聽著妳个脈息

許願

嬌惹

老庄頭

巡庄老古  初見面

洗淨摺好个手巾仔

阿德伯

貓徙竇

長年仔轉年

半路讓牲儀

拈飯糝  畜倈仔

庄伯姆  毋姓張

去街項  割擐豆腐

該張  籐質老交椅

上晝分爨  下晝借

新面目

老庄頭  新面目

燈光．色彩．樹看板

喊毋轉个過去

路脣想停車  一格都難求

三年四個月出師  毋見哩

不見  出火煙

不在意  無打緊

方成竹  始化龍

值得分人欽羨

過餐．暖菜

哪來个身分地位

堵好食个茶

新思想

新思想  舊門樓

人背受人氣  人前爭口氣

雲淡風輕

啉  一杯咖啡个心情

電話鈴仔聲  響

都會个外表  村庄个內涵

孤老獨老  个日仔

三行詩

思念係一款情懷

老李个故事

清明前後雨水多

主流非主流

山居偶書

物化．質化

物化．質化

尊貴  仰般罕得又難得

炭筆  自畫像

冷面熱腸ＶＳ笑面冷肚

故事  總係充滿傳奇

重新看待  客家男性

有屋有車  有情愛

表象  心相  大眾相

物好求  靈難修

物質个富爺  精神个乞食

後記

後記一／劉明猷

後記二／劉遠大

作者／繪者簡介

ISBN：9789863072294

叢書系列：唐山文學

規格：平裝 / 232頁 / 15 x 21 x 1.2 cm / 普通級 / 彩色印刷 / 初版

出版地：台灣